لطیف ننګرهاری

څه ښکلي چشمان لرې کړی دې سینګار
ای ځوانیمرګه شې جینۍ ته څومره ښکلې ښکارې
٭٭٭
چې د نازه شرنګوې لاس کې بنګړي
خود به ګرځي درپسې ډیر لیوني
د نظره مه شې ای مستې لیلا
درپسې دي سترګې دود کړه سپیلني
ته چې سره لبان لرې
ته چې سره لبان لرې کړی دې سینګار
ای ځوانیمرګه شې جینۍ ته څومره ښکلې ښکارې
٭٭٭
ستا نازونو او ادا خوړلی یم
زه د مینې په اور تا سیزلی یم
نه جوړیږم ای ظالمې زه چې تا
په بڼو دې په زړګي ویشتلی یم
کږې وریځې کمان لرې
کږې وریځې کمان لرې کړی دې سینګار
ای ځوانیمرګه شې جینۍ ته څومره ښکلې ښکارې
٭٭٭
نازولې د ښایست نه دې شم ځار
ستا د پاره ګوره مرګ ته یم تیار
ستا د مینې قدردان یم اشنا
لاس په نام درته ولاړ یم خدمتګار
زما په شان جانان
زما په شان جانان لرې کړی دې سینګار
ای ځوانیمرګه شې جینۍ ته څومره ښکلې ښکارې
٭٭٭
زه د عشق په جال کې تا کړمه راګیر
بندیوان یم ستا د زلفو په زنځیر
تړل شوی یم کمڅو کې یاره ستا
پکې بند یم شګیوال پرهیز فقیر
څه په زړه ارمان لرې
څه په زړه ارمان لرې کړی دې سینګار
ای ځوانیمرګه شې جینۍ ته څومره ښکلې ښکارې
http://www.youtube.com/watch?v=fLH9oYGZ0dU